तेहरान/अन्तर्राष्ट्रिय डेस्क — इरान ले अमेरिका र इजरायल सँगको तनावपूर्ण अवस्थालाई अवसरका रूपमा उपयोग गर्दै तेल निर्यातलाई निरन्तरता दिएको छ। देशको करिब ९० प्रतिशत तेल निर्यात अझै पनि खार्ग टर्मिनल बाट भइरहेको बताइएको छ।
अमेरिकाले खार्ग टापु नजिकैका केही सैन्य संरचनामा आक्रमण गरे पनि विश्वव्यापी तेल संकटको सम्भावनालाई ध्यानमा राख्दै तेल टर्मिनललाई प्रत्यक्ष निशाना बनाउन सकेको छैन। यसै परिस्थितिको फाइदा उठाउँदै इरानले निर्यात कायम राखेको छ।
इरानले तथाकथित “घोस्ट फ्लिट” (लुकेर सञ्चालन हुने पानीजहाजहरू) प्रयोग गरी चीन तर्फ तेल आपूर्ति गरिरहेको जनाइएको छ।
अन्तर्राष्ट्रिय ऊर्जा एजेन्सी र एस एन्ड पी ग्लोबल का अनुसार इरानले दैनिक करिब १७ देखि २० लाख ब्यारेल तेल निर्यात गरिरहेको छ।
यसैबीच, साउथ पार्स ग्यास फिल्ड मा भएको आक्रमणले केही प्रभाव पारे पनि ग्यास आपूर्ति पूर्ण रूपमा अवरुद्ध भएको छैन।
त्यसैगरी, होर्मुज स्ट्रेट हुँदै जाने विदेशी जहाजहरूबाट इरानले प्रति जहाज करिब १६ करोड ५० लाख रुपैयाँ बराबर ‘युद्ध कर’ असुलिरहेको रिपोर्टमा उल्लेख छ।
