नेपाली बजारमा आइतबार साताको पहिलो दिन सुनको मूल्यमा भारी वृद्धि भएको छ । शुक्रबार प्रतितोला तीन हजार रूपैयाँ घटेको सुनको भाउ आज तोलामै दुई हजार तीन सय रूपैयाँ बढेको हो ।
आज सुन प्रतितोला तीन लाख पाँच हजार आठ सय रूपैयाँ पुगेको नेपाल सुनचाँदी व्यवसायी महासंघले जनाएको छ । शुक्रबार सुन प्रतितोला तीन लाख तीन हजार पाँच सय रूपैयाँमा कारोबार भएको थियो ।
यस्तै, आइतबार चाँदीको मूल्य भने ओरालो लागेको छ । शुक्रबार तोलामा पाँच हजार रूपैयाँमा कारोबार भएको चाँदी आइतबार चार हजार नौ सय ८५ रूपैयाँमा कारोबार भइरहेको छ । यो मूल्य अघिल्लो दिनको तुलनामा प्रतितोला १५ रूपैयाँले कम हो । अन्तर्राष्ट्रिय बजारमा आज सुन प्रतिऔंस पाँच हजार ४२ अमेरिकी डलरमा कारोबार भइरहेको छ ।
