नवनिर्वाचित सभामुख डीपी अर्यालले कार्यभार सम्हालेसँगै प्रतिनिधिसभाको बैठक औपचारिक रूपमा सुरु भएको छ। सोमबार बसेको बैठकमा सभामुख अर्यालले बैठक प्रारम्भ भएको घोषणा गर्दै सदनको नियमित कार्यसूची अघि बढाउनुभएको छ।
फागुन २१ गते सम्पन्न प्रतिनिधिसभाको निर्वाचनपछि सदनको सबैभन्दा ठूलो दलका रूपमा उदाएको राष्ट्रिय स्वतन्त्र पार्टी (रास्वपा) ले अर्याललाई सभामुखको उम्मेदवारका रूपमा अगाडि सारेको थियो। उक्त पदका लागि अन्य कुनै पनि दल वा स्वतन्त्र सांसदको उम्मेदवारी नपरेपछि अर्याल निर्विरोध निर्वाचित हुनुभएको हो। नयाँ राजनीतिक समीकरण र जनमतपछि बनेको यस सदनमा अर्यालको नेतृत्वलाई महत्वपूर्ण रूपमा हेरिएको छ।
