आजको दिनमा अमेरिकी राजनीतिलाई गाँजिरहेको कृत्रिम बौद्धिकता अर्थात् एआईको आँधीको केन्द्रमा छन्, एलेक्स बोरस । केही समय अघिसम्म उनी ‘पालेन्टियर’ कम्पनीका इन्जिनियरका रूपमा कार्यरत थिए ।
अहिले भने न्युयोर्क सभाका लागि डेमोक्र्याटिक पार्टीबाट सदस्य समेत छन् । आफ्नो ट्विटर ‘बायो’मा एलेक्सले ‘शक्तिशालीहरूसँग त्रसित, न्युयोर्कका लागि लडिरहेको’ लेखेका छन् ।
आफ्नो बायोमा उनले लेखेका विषय कुनै बढाई–चढाइ होइन । अमेरिकी राजनीतिमा प्रभावशाली मानिने राजनीतिक समितिहरू अर्थात् ‘पोलिटिकल एक्सन कमिटी’ले निर्वाचन र राजनीतिमा ठुलो प्रभाव पार्ने गरेका छन् । अहिले ठुला प्रविधि कम्पनीहरू अर्थात् ‘बिग टेक’को सहयोग र समर्थन रहेका त्यस्ता समितिहरू एलेक्सलाई रोक्न अर्बौँ रकम खर्च गरिरहेका छन् ।
आउँदो नोभेम्बरमा न्युयोर्कको १२औँ जिल्लामा अमेरिकी कंग्रेस (संसद) सदस्यको निर्वाचन हुँदै छ । एलेक्स त्यही निर्वाचन क्षेत्रमा प्रतिस्पर्धा गर्दैछन् ।
