संयुक्त राज्य अमेरिका र रुस उच्चस्तरीय सैन्यतहको वार्ता पुनः सुरु गर्न सहमत भएको अमेरिकी रक्षा मन्त्रालयले बिहीबार जनाएको छ।
उनीहरूबिचको यस पहिलेको सन्धिको अवधि समाप्त भएको केही घण्टापछि नयाँ वार्ता सुरु गर्ने सहमति भएको हो।
मस्को र वासिङ्टन दुवै प्रतिबन्धबाट सम्झौता बिहीबार समाप्त भएपछि औपचारिक रूपमा मुक्त भएका र उनीहरूले प्रयोग गर्न सक्ने आणविक हतियारको सङ्ख्यामा अब कुनै सीमा नभएको रुसले बताएको छ।
अमेरिकी सेनाको युरोपियन कमान्डले विज्ञप्तिमा भनेको छ, ‘सेनाहरूबीच संवाद कायम राख्नु विश्वव्यापी स्थिरता र शान्तिको लागि एक महत्वपूर्ण कारक हो, जुन केवल शक्तिको माध्यमबाट प्राप्त गर्न सकिन्छ, र यसले थप पारदर्शिता र तनावलाई कम गर्ने माध्यम प्रदान गर्दछ।’
सन् २०२१ मा स्थगित गरिएको सैन्य वार्ता पुनः सुरु गर्ने सहमति ट्रम्पका विशेष दूत स्टिभ विटकफ र ज्वाइँ जारेड कुस्नर उपस्थित अबुधाबीमा भएको युक्रेन शान्ति वार्तामा भएको ‘फलदायी र रचनात्मक प्रगति’ पछि आएको हो।
आणविक हतियार सन्धिको अन्त्यले विश्वका शीर्ष आणविक शक्तिराष्ट्रहरूबीच हतियारको नयाँ होडबाजी सुरु हुने र चीनलाई आफ्नो शस्त्रागार विस्तार गर्न प्रोत्साहित गर्ने अभियानकर्ताहरूले चेतावनी दिएका छन्।
यसैबिच फरक परिस्थितिमा विश्वका जिम्मेवार मुलुकहरूले ‘जिम्मेवारी र संयम’ अपनाउन नेटोले आग्रह गरेको छ।
