अहिले युवा पुस्ता सामाजिक सञ्जालमा अत्यधिक सक्रिय छन्, विशेषगरी निर्वाचनको पूर्वसन्ध्यामा। तर नेपाल प्रहरीले चेतावनी दिएको छ कि सामाजिक सञ्जालमा अरुको गाली, झुठा सूचना वा व्यक्तिगत चरित्रहत्या गर्ने सामग्री पोस्ट गर्दा कानूनी कारबाही हुन सक्छ।
नेपाल प्रहरीका केन्द्रीय प्रवक्ता अविनारायण काफ्लेका अनुसार, प्रहरीले सामाजिक सञ्जालको उच्च निगरानी गरिरहेको छ र साइबर ब्यूरोमार्फत अनुगमन पनि भइरहेको छ। गलत सूचना, जातीय–धार्मिक विवाद वा अफवाह फैलाउने उद्देश्यले सामग्री बनाउने वा सेअर गर्ने कार्य अपराध हो।
प्रहरीले सबैलाई आग्रह गरेको छ कुनै पनि सामग्री सेअर गर्नु अघि सत्यता जाँच गर्नुहोस्, गलत सूचना र अफवाह फैलाउन नहुने, र सकारात्मक डिजिटल वातावरण निर्माण गर्न सहयोग गर्नुहोस्।
अन्त्यमा प्रहरीको सन्देश स्पष्ट छ: “जिम्मेवार नागरिक बनौँ, समाजमा शान्ति र सदभाव कायम राखौँ।”
