नयाँका नाममा भ्रम फैलाउनेहरुलाई सचेत रहन केसीको आग्रह”
राष्ट्रिय जनमोर्चाका अध्यक्ष चित्रबहादुर केसीले आगामी निर्वाचनमा भ्रम फैलाउनेहरूबाट सचेत रहन आम मतदातालाई आह्वान गरेका छन्।
बुधबार बुटवलमा निर्वाचन घोषणापत्र सार्वजनिक गर्दै अध्यक्ष केसीले नयाँका नाममा नक्कली कुरा गर्ने र जनतामा भ्रम फैलाउनेहरू निर्वाचनको मुखमा सक्रिय रहेको उल्लेख गर्दै मतदातालाई सचेत भएर मतदान गर्न आग्रह गरे।
केसीले मुलुकको अस्तित्व जोगाउने मामिलामा सबै नागरिक एकतावद्ध हुनुपर्ने र विगतमा भ्रम फैलाउनेहरूलाई सांसद बनाएको गल्ती आगामी निर्वाचनमा दोहोरिन नदिनु पर्ने बताए।
अध्यक्ष केसीले वर्तमान सरकार र गैरसरकारी संस्थाहरूबाट देशको हितमा काम हुने अपेक्षा गर्न नसकिने भन्दै सबैलाई जागरूक रहन सचेत गराएका छन्।”
