संवाद मिडियाको ११औँ वार्षिकोत्सवको अवसरमा संवाद फाउन्डेसन, कोशी प्रदेशले पाँचौँ संवाद उत्सव संवाद फाउन्डेसनको संस्थापक तथा केन्द्रीय अध्यक्ष कुमार भास्करको अध्यक्षतामा सम्पन्न भएको छ। कार्यक्रममा वातावरणीय जिम्मेवारी, जलवायु, जलवायु परिवर्तन जलवायु न्याय, कानुनी सहायता, सामाजिक न्याय तथा दिगो विकासजस्ता समसामयिक र महत्वपूर्ण विषयमा अर्थपूर्ण संवाद तथा छलफल गरियो ।
कार्यक्रम संवाद सत्रमा मुख्य वक्ताका रूपमा कुमार पृथुले आफ्नो मन्तव्य प्रस्तुत गर्नुभएको थियो। त्यसपछि पर्यटन, वन तथा वातावरण मन्त्रालय, कोशी प्रदेशका प्रवक्ता अखिलेश कु. गुप्ता, वातावरणीय संचारकर्मी रामचन्द्र अधिकारी, वातावरण अभियानी पूजा विश्वास र भूगर्भ तथा वातावरणविद प्रमोद सिवाल सहभागी रहेको सत्र छलफल सञ्चालन गरिएयो । उक्त सत्रकोको सहजीकरण रेखा कापैरले गर्नुभएको थियो। छलफलमा वातावरण तथा सामाजिक क्षेत्रका चुनौती, अवसर र समाधानका सम्भावित उपायबारे विचार आदानप्रदान गरिएको थियो।
कार्यक्रममा वातावरणीय कानुन तथा कानुनी सहायता सम्बन्धी प्रस्तुतिसहित जलवायु तथा पारिस्थितिकीसम्बन्धी कार्यशाला पनि सञ्चालन गरिएको थियो। साथै, जलवायु परिवर्तन र वातावरण संरक्षणका विषयलाई केन्द्रमा राखेर विभिन्न सिर्जनात्मक प्रस्तुतिहरू समेत प्रस्तुत गरिएका थिए। यी गतिविधिले सहभागीहरूलाई वातावरण संरक्षणप्रति व्यक्तिगत तथा सामूहिक जिम्मेवारीबारे थप सोच्न र दिगो भविष्य निर्माणका लागि आवश्यक कदमबारे छलफल गर्न प्रेरित गरेको संवाद फाउण्डेशन कोशी प्रदेशका संयोजक सुरज पटेल बताए ।
कार्यक्रमको सञ्चालन दीक्षा कार्कीले गर्नुभएको थियो । कार्यक्रममा संवाद फाउन्डेसन मोरङ, संवाद सुनसरी र संवाद झापाका सदस्यहरूको सहभागिता रहेको थियो। साथै, हामी इन्जिनियर, EWBN BU, Goals Foundation, समृद्ध युवा समाज, अग्रगामी अन्वेषक युवा समाज तथा NYCA विराटनगर लगायतका संस्थाका प्रतिनिधि तथा सहभागीहरूको पनि उल्लेखनीय उपस्थिति रहेको थियो। त्यसै गरी उत्कृष्ट काम गर्ने युवाहरुलाइ सम्मान गरियो जसमा पुरूष तर्फ रोगितले सम्मान पाए भने महिला तर्फ संवाद सुनसरीकि आरती सम्मानित भए ।
पाँचौँ संवाद उत्सवले वातावरणीय संरक्षण, सामाजिक न्याय तथा दिगो विकासका विषयमा ज्ञान, संवाद, सहकार्य र सामूहिक प्रतिबद्धता अभिवृद्धि गर्ने महत्वपूर्ण मञ्चका रूपमा भूमिका निर्वाह गरेको छ। यस कार्यक्रमले संवाद मिडियाले विगत ११ वर्षदेखि अघि बढाउँदै आएको सूचनामूलक संवाद, सामाजिक उत्तरदायित्व र सकारात्मक परिवर्तनप्रतिको प्रतिबद्धतालाई थप सुदृढ बनाएको कुरा संवाद फाउण्डेशन मोरङका संयोजक सुनील यादवले जनाए ।
